Arin

Zura eta marmola uztartzen dituen mahai arketipikoa. Itxura sinple eta apaindurarik gabekoa, susmaezina den konplexutasuna izkutatzen du.

Arin mahaiari aplikatu diogun abiaziorako teknika bat garatu du Reteguik.

Arin – Retegui

Arin mahaia muntatze, zehaztasun handiko mekanizatze eta kolatze konplexuetarako tekniken emaitza da. Bere barnealdean higaturiko eta arinduriko marmolezko erretilua aluminiozko sare batekin uztartzen da, altzaria bera haritza zurez inguratua delarik.

Mendi

Mendi sistema modular eta ebolutiboa da, espazio publikoetarako bereziki diseinatua. Bere lerro sinpleekin eta aldaera ugariekin, arkitekturazko eskala desberdinetako espazioak antolatzeko aukera ematen du. Barne-paisaia gisa pentsatua, Mendi mota guztietako espazioetara egokitzen da.

Mendi – Sokoa

Gure abiapuntua izan zen gaur egun ezinbestekoa dela lan eta harrera-espazioak modu sinple, atsegin eta elkarbizitza egokian antolatu ahal izatea. Mendi.k modularitate aukera zabalak eta antolamendu-konbinazio ugari eskaintzen ditu.

Bonds

Bonds Kanadako Teknion markarentzat diseinatu genuen, mekanismo sinple eta asmatzaile batetik abiatuta: bi uhal modu zehatz batean lotuak. Printzipio horrek mugimendu-askatasun jakin bat ematen die eserleku-moduluei, eta sorpresa-efektu interesgarri eta praktiko bat sortzen du.

Xehetasun ludiko honek altzariekin modu berri bat proposatzen du. Ingurune kolaboratiboetan, erabiltzaileek mugimendu txikiak egitea ahalbidetzen du, intimitate-maila desberdinetara egokitzeko; edo espazio-kudeatzaileek berrantolaketa handiagoak egitea, manipulazio oso gutxirekin. Bere izaera sistemiko eta modularrak tresna praktiko bihurtzen du arkitektoentzat eta space planner-entzat ere.

Bonds – Teknion

Bonds diseinatzeko prozesuan, alderdi estetikoak kontzeptuaren ondoren etorri ziren. Ideia sendo bat genuen, baina ahalik eta eskuragarriena izatea nahi genuen. Xehetasunak soilik beharrezkoak iruditzen zitzaizkigun lekuetan gehitu genituen.

Diseinua: Iratzoki & Lizaso

Zumitz

Gaztainondoz txirikordatutako saski bat izan zen Zumitz bildumaren abiapuntua. Etxerako edo hotelgintzarako espazio-banatzaile sorta hau Euskal Herrian oraindik bizirik dagoen aspaldiko jakintza batetik dator. Aplikazio-eremu berri bat ireki nahi izan dugu.

Zumitz – Alki

Adarrik gabeko gaztainondo gazteak otsailean mozten dira ilbeheran, eta gero urte osoan uretan murgilduta egoten dira. Beharren arabera uretatik ateratzen dira, labean lehortzen dira, eskuz zerrendatan mozten dira — zumitzak — eta ondoren egitura metaliko baten gainean txirikordatzen dira. Eskerrak Azurmendi anaieri guretzat lan egiteagatik.

Kendu

Aluminiozko egituren gainean material desberdinetako panelak pausatzen dira: zura, marmola edo berina, mahai apal sinple eta arinen bilduma bat osatuz. Egitura zein mahai gainak hainbat neurri eta akaberatan proposatzen dira. Oin txikiak dituzten zeramika zuriko objektuak mahaigainaren hutsuneetan jar daitezke: ontzi bat, kutxatxo bat, loreontzi bat… Pertsona bakoitzak bere egin, aldatu, edo antolatu dezakeen objektu bat sortu nahi izan dugu.

Kendu – Azcue

Hiruki

Ohidura eta transmizio istorio hau, 1940 urteetatik abiatzen da, Saran. Bere etxaldean, Jose Miguel Barandiaran, euskal etnologo famatuak aulkitxo zahar berezi bati atxikia zen. Iratzoki familiako egurlari bati galdegin zion holako baten egitea. Ondotik diseinatzailearen aitak berritz eraiki zuen aulkitxoa. Horrela bilakatu da Jean Louis Iratzoki-rentzat aulkitxo arrunta objektu arraroa, Hirukiren bidez ber interpretatuz.

Hiruki – Alki

Gure esku hartzea produktu huntan nahitara minimalista izan da. Objektuaren fintzea zen helburua, haren izaera errespetatuz. Haritz trinkozko bost zatiz osatua da eta erosotasuna eskaintzen dauku!

Petra

Marmol trinkoan zizelkatua, Petrak materia gordinaren inguruan ardaztutako diseinu-lan bat erakusten du. Bi neurritan eskaintzen diren mahaitxo hauek bakarka edo bikoteka erabiltzeko pentsatuak izan dira. Mahai osagarria marmol-bloke bakar batetik mekanizatzen da.

Petra – Retegui

Lasai

Lasaitasuna eta erosotasuna dira hemen nagusi. Haritz trinkozko egitura zabal batek, oihalez edo larruz beztituriko kusko eta lumatxa batzu inguratzen ditu. Hortan laketzen den besaulki horietakoa dugu Lasai. Toki bat ala biko besaulkia eta mahain batek dute Lasai bilduma osatzen. Denok memorioan dugun Hans Wegner-en aulkiaren interpretazio bat da, Alkiren izpiritura egokitua.

Lasai – Alki

Le piètement en chêne massif, est associé à une coque thermomoulée aux formes douces en feutre de PET. Ce matériau à haute performance fabriqué à partir de bouteilles en plastique recyclées est de plus recyclable.

Ping Pong

Ping Pong bulego-altzarien programa bat da, espazioaren okupazio egokia ahalbidetzen duena: aurrez aurreko modulu baten inguruan antolatzen den sistema bat. Hortik dator bere izena, bi, hiru edo lau lanpostutara heda daitekeena, eta osagarriak antolatzeko hainbat irtenbide integratzen dituena. Konposizio ebolutiboek trukea eta talde-lana laguntzen dituzte, bakoitzaren intimitatea errespetatuz.

Ping Pong – Famo

Lanean, trukatzea eta isolamendua aldi berean ahalbidetzen dituen espazio antolatu baten beharra sentitzen dugu. Edo gutxienez norberaren espazioaren nolabaiteko seinale bat, hemen gainazalen altuera desberdinen eta trenkada mugikorren bidez lortua.

Laia

Laia bilduma, barneko egiazko paisaia egituratzen dituzten kadirez, mahainez eta alki desberdinez osatua da. Altzarien gibela artilezko feltroz egina da, aintzina artilez edo larruz. Kadira goxoak hunkitzerakoan eta ikusterakoan.

Laia – Alki

Alkirekin izan den gogoetan iraunkortasuna da lehenetsia. Altzari iraunkorrak, modako joera bazterrera utziz. Laia bilduma, ekai naturalekin egina da, prozesu ekologiko bati erantzunez. Harizko xibaleta bat, zur eta kautxu begetalezko kuskua, feltroz eta artilez apaindua.