Hanka bankuen bildumak Didheyaren jakintza islatzen du. Altzairu herdoilgaitzezko eserleku minimalista hauek ebakitako eta zehaztasunez kurbatutako hodietatik abiatuz eraikitzen dira.
Hanka – Didheya
Banku hauek espazio publiko zein pribatuetan naturalki kokatzen dira barrualdean eta kanpoaldean berdin. Kolore-paletak haien presentzia egokitzeko aukera ematen du: diskretua edo biziagoa, testuinguruaren arabera.
Iratzoki studio.k Alkiren Larresoroko lantegi berriko showrooma eta denda antolatu ditu: arkitekturan, diseinuan eta tokiko ekoizpenean interesatua den publiko zabal bati idekia.
Egia erran, gunea ohiz kanpoko ingurune batean kokatua da. Leibar&Seigneurin agentziak diseinatu zero energiako eraikin soil, zorrotz eta dotore huntan, kontrapundu bat sortu nahi izan dugu, showrooma kurben eta gardentasunen segida gisa antolatuz.
Estudioa – Iratzoki
100 metroko oihal batek bisitaria gidatzen du ibilbide osoan zehar, kanpoko paisaiarekin eta argiarekin jolastuz. 400m2 ko espazio hau gune desberdinetan antolatu dugu, jatetxetik tabernara, zine proiekzio-areto batetik liburutegi batera.
Alki markaren proiektuen desberdintasuna eta aberastasuna agerian ezarriz.
Forge Adourrek gurekin harremanetan jarri zen plantxaren inguruan aukera berriak aztertzeko. Erabilera-esperientzian jarri genuen arreta, piknik mahai tradizionaletik inspiratuz, plantxa multzo multifuntzional batean integratzeko.
Piknik – Forge Adour
Piknik mahaiaren erreferentzia horrek zuen gure gogoeta gidatu. Plantxa, eguzkitako parasola, botilentzat konpartimentu bat, gas-botilarentzat kokalekua, altzari bakar batean bildu ditugu.
Iratzoki estudioaren oinarrizko printzipioetako bat Euskal Herriaren garapen ekonomiko eta kulturalean parte hartzea da. Izpiritu horretan lagundu genuen Hemendik kolektiboa sortzen, memoria industrial eta artisau bat bildu eta partekatzeko xedearekin.
Objektuak informazio gurutzaketa batetik sortzen dira beti : historikoa, soziala, geografikoa, teknikoa edo kulturala. Haien historia zenbat eta gehiago aztertu, orduan eta argiago agertzen dira jakintzen, lurraldeen eta erabileren arteko lotura ikusezinak.
Ekoizpenaren eta kulturaren munduek oraindik gutxitan elkarri begiratzen diote. Horregatik, unibertso horien artean zubiak sortzea garrantzitsua iduritzen zaigu. Ikerketa-prozesu horren lehen atalak liburu forma hartu zuen: “Hemendik, Euskal Herriko 50 objektu ikonikoren istorioak”.
Hemendik liburua
Objektuetatik haratago, jakintzak eta sorkuntza-prozesuak interesatzen zaizkigu. Hautaketak ez du kronologia edo tipologia zehatzik jarraitzen. Objektu zaharrak edo garaikideak, artisauak edo industrialak modu berean lantzen ditu, daramaten memoria material eta immateriala hobeki ulertzeko.
Altxorrez betetako liburu hau deskubritzen gozatuko duzuela espero dugu.
Informazio gehiago: Hemendik
Pirinoetako alabastroa aspaldidanik landua da arreta handiz Euskal herrian, Nafarro hego aldeko Cintruenigo herrian. Anitzetan zainduna, harri hunen azalean ezti koloreko izurdura ilun eta argiak agertzen dira. Zeharrargia denez, ekai hau nafarroko kapera Erromanoen berinetan erabilia izan da. Argiarekin lotutako objektu bilduma bat sortu dugu ; hala nola kandela euskarri, lanpa…
Alabastro – Alki
Ohidurez, harri hau tornuan batez ere lantzen zen. Lan teknika hunen baloratzeko, forma borobil eta zilindro, hutsa eta betea landuz.
Gure asmoa, Alkiko dendarentzat, inguruko jakitate gehigarri batzuekin lanean aritzea delarik.
Soinuaren nagusitasuna eta zorroztasuna sorkuntzaren zerbitzura.
PR Alta teknologia handiko bozgorailu bat, binilo-plater bat eta diskoak gordetzeko espazio bat integratzen dituen zutabe trinko bat da. Berina ketua, intxaurrondoa eta aluminioa elkartu ditugu, hi-fi.aren unibertso historikoari erreferentzia eginez. Berina egitura bertikal gisa, zura maila desberdinetan, eta metala osagai teknikoetarako.
PR Alta – La Boîte Concept
Le piètement en chêne massif, est associé à une coque thermomoulée aux formes douces en feutre de PET. Ce matériau à haute performance fabriqué à partir de bouteilles en plastique recyclées est de plus recyclable.
Hanka bankuen bildumak Didheyaren jakintza islatzen du. Altzairu herdoilgaitzezko eserleku minimalista hauek ebakitako eta zehaztasunez kurbatutako hodietatik abiatuz eraikitzen dira.
Hodi – Didheya
Banku hauek espazio publiko zein pribatuetan naturalki kokatzen dira barrualdean eta kanpoaldean berdin. Kolore-paletak haien presentzia egokitzeko aukera ematen du: diskretua edo biziagoa, testuinguruaren arabera.
Erabilerak, kokapenak, ikusmen-altuerak eta zirkulazioak aztertu ditugu. Horri esker, egitura bat sortu ahal izan dugu, zazpi osagaitik abiatuta funtzio askori erantzuten diena.
Zuzulu – Alki
Sistema honek jarleku luze, banakako bulego bat, bilera-mahai altu bat, baina baita bar txoko bat, harrera gune bat edo jantoki bat ere antolatzeko aukera ematen du, intimitatea zainduz, ongi pentsatutako zirkulazioei eta ikusmen-altuerei esker.
Gure Zuzulu bildumak, 2024ko Monocle Design Award sari ospetsua irabazi du.
Diseinua: Iratzoki & Lizaso
Izaera bereziki grafikoa duen aulki bilduma zabala da Klik.
Sokoa bulegoko altzariegilearentzat sortua, espazio anitzetarako egokiak diren soluzioak eskaintzen ditu, aulkiak, tabureteak eta besaulkiak…
Klik – Sokoa
Aulkiaren bizkarraldea eserlekuaren luzapenean finkatzen da, bizkarraren elastikotasuna eta indarra bermatzeko. Hemen forma eta funtzioa estuki lotuta daude.
Sinplea itxuraz, baina bi aldeen arteko lotura, bereziki teknikoa da.
Silueta desberdineko altzarien bilduma bat da, non pieza bakoitzak bere nortasun propioa duen eta funtzio bat betetzen duen animazio grafiko kolektibo baten barruan. Estruktura metaliko baten gainean dilindan den kutxa baten ideia ematen du.
Kutxa – Treku
Lekeitioko Kaxarrankako kutxari egindako keinu bat. Kontraste-jokoa ere ageri da, zurezko kaxaren eta egitura metalikoaren fintasunaren artean. Bi mahai baxu, bulego mahai bat eta erabilera anitzeko komoda bat, espazio askotan txertatu daitezkeenak.
Diseinua: Iratzoki Lizaso
