Badu 50 urte baino gehiago Forge Adour enpresak etxeko plantxak sortzen dituela. Plantxa eramangarri bat irudikatu dugu: mahai gainean jar daitekeena, hiriko apartamentu bateko balkoian instalatu daitekeena, edo lagun artean egindako irteera batera eraman daitekeena… Xehetasun bakoitza landu dugu, edonora erraz eraman eta erabiltzeko moduko objektu bihur zedin.
Nomad sukaldatzeko aparatu soil bat baino askoz gehiago da. Bere diseinuak askatasunaren eta partekatutako plazerraren ideia adierazten du, intuitiboa eta funtzionala izaten jarraituz. Erraz garraia daiteke, bi heldulekuko saski tradizional baten moduan.
Nomad – Forge Adour
Nomad, hainbat geruza integratzen dituen produkto nahiko trinkoa da: objektua altxatzen duen oinarria, gas-kartutxoa hartzen duen kaxa, erregailuaren maila gantz-erretiluarekin, ondoren egosteko plaka, eta azkenik zurezko erretilua heldulekuekin, plantxa erraz garraiatzeko.
Plakak hartzen dituen tenperaturei esker, elikagaiak sugarren kontakturik gabe eta koipe gutxirekin erre daitezke. Tenperatura jaitsiz, produktu delikatuagoak ere presta daitezke, hala nola arraina, itsaskiak, barazkiak edo arrautzak.
Diseinua: Iratzoki & Lizaso
Eskerrak: Anaïs Bourcier, Toshio Shimamura, Jean Marc Durquety eta Fabio Guizzo
